10 января 2017 г.
Сăкăтра А. Казачкова асăнса йăлана кĕнĕ хоккей турнирĕ иртрĕ. Кăçалхипе вăл çиччĕмĕш сезонне уçрĕ.
Ăмăртусем пуçланиччен район администраци пуçлăхĕн пĕрремĕш çумĕ М. Айзатуллов, Сăкăт ял тăрăхĕн пуçлăхĕ Л. Чернов, "Красное знамя" ял хуçалăх кооперативĕн ертỹçи П. Никифоров, хăнасем сăмах илчĕç.
Вăйăсене вырăнтан виçĕ _ "Стрела", "Барс" тата çĕнĕ "Чайка", Патăрьел тата Комсомольски ял тăрăхĕсен командисем хутшăнчĕç.
Алексей Петровича асăнса пĕр минут шăп тăнă хыççăн турнир пуçланчĕ. Кубока çĕнсе илессишĕн "Стрелапа" "Чайка" командăсем тупăшăва тухрĕç. "Стреласем" çĕнтерчĕç.
Номинацисемпе "Чи лайăх хỹтĕлевçĕ" ята И. Ильин, "Чи лайăх вратарь" _ А. Шапкин, "Чи лайăх тапăнса вылякан" _ В. Чермасов тивĕçрĕç.
Турнира йĕркелеме Алексей Петровичăн юлташĕсем, ĕçтешĕсем, ял-йыш, пĕртăван Александрпа Анатолий, О. Лаврентьев, Ю. Елкин, Н. Тинюков тата ыттисем пулăшрĕç.
Источник: "Авангард" (газета Батыревского района)