Публикации » Каннипе çеç çырлахмаççĕ: шыраççĕ, сăнаççĕ, тĕпчеççĕ…

23 июня 2015 г.

СĂКĂТРИ вăтам шкул çумĕнче йĕркеленнĕ лагере çỹрекен ачасем нихăçан та вăрăм каникулта каннипе çеç çырлахмаççĕ, вĕсене ертсе пыракан вĕрентекенсем кашнийĕнчех мĕн те пулин çĕннине шутласа кăлараççĕ. Хальхинче çакскерсем Шихирданка тата Марака юханшывсем хĕррипе ỹсекен тĕрлĕрен ỹсен-тăрана пуçтарса вĕсен чăвашла-вырăсла ячĕсене словарьсенче шыраса тупнă, ас туса юлнă. Унпа çеç те çырлахман отряд членĕсем: пирĕн тăрăхра ỹсекен çум курăксенчен хатĕрленĕ чечек çыххисен конкурсне йĕркеленĕ. Сĕтел çинчи хăйне евĕр илеме пăхса киленме питех те кăсăклă пулнă. Анасем çинчи йытпыршипе пиçен е тата ытти хытхура та çу илемĕ иккен, ваза ăшĕнче вĕсем те питĕ интереслĕ курăннă.

Источник: "Авангард" (газета Батыревского района)