Публикации » Ашшĕ йĕкĕреш. Ачисем те çаплах

01 ноября 2014 г.

ÇЕМЬЕНЕ йыш хушăнни кирек камшăн та пысăк савăнăç. Сăкăтра пурăнакан Красниковсемшĕн вара вăл икĕ хут та телей пулнă! Çак кунсенче районти ЗАГС пайĕн ĕçченĕсем Валерий Петровичпа Наталия Владимировнăна йĕкĕреш ывăлсем çуралнă ятпа саламланă. Шыв тумламĕ пек пĕрешкел сăнлă "çĕнĕ кайăксене" Николай тата Александр ятсене çыртарнă. Виçĕ пăхаттире (килте тепĕр ывăл çитĕнет) сывă та тĕреклĕ ỹстерме ашшĕпе амăшĕн сывлăхĕ çеç пултăр. Сăмах май каласан, асăннă çемьене Турă çакнашкал парне туни ăнсăртран та мар: çемье пуçлăхĕ хăй те йĕкĕрешсенчен пĕри _ çут тĕнчене вăл хĕр ачапа пĕрле килнĕ.

Источник: "Авангард" (газета Батыревского района)