Публикации » Çивĕч темăпа

11 октября 2014 г.

 "Çул çинчи хăрушсăрлăх" уйăхлăха хутшăнса тата шкул ачисене çул çинче тимлĕ пулма хăнăхтарас, харпăр хăй пурнăçне упрама вĕрентес тĕллевпе Сăкăт шкулĕн 5 класĕнче "Хамăра инкек - синкекрен сыхлар" темăпа калаçу иртнĕ. Класс ертỹçи пиллĕкмĕшсене çул çинче шкул ачин хăйне еплерех тĕрĕс тытмалли пирки каласа ăнлантарнă, мĕн пĕлнине тĕрĕс хаклас тĕллевпе ыйтусем те панă. Ачасем çул-йĕр правилисене пĕлеççĕ пулин те тимсĕр- лĕхе пула инкеке лекме пултарас хăрушлăх питĕ пысăк. Тата халĕ кашни шкул ачин тенĕ пекех килте велосипед е скутер пур. Хăюллăраххисем ашшĕ-амăш машини рулĕ умне те савăнсах кĕрсе ларма пултараççĕ. Çавăнпа та ку актуаллă темăпа класс сехечĕсем час-час ирттерни, ашшĕ-амăшĕ умĕнче çак ыйтăва хускатни питĕ вырăнлă. Хамăра инкек-синкекрен сыхлар! Н.ТИНЮКОВА

Источник: "Авангард" (газета Батыревского района)