Публикации » Сăкăтра улма-çырла садне чĕртеççĕ

19 апреля 2014 г.

 ТЕМИÇЕ çул каялла Сăкăтсем тĕлĕкре те курма пултарайман капăр шкулта вĕренме пуçласанах вĕсен тепĕр çутă ĕмĕт тĕвĕленме пуçланă. Çак кунсенче вара ăна А. Падусев директор коллективран та, ашшĕ-амăшĕнчен те пытарман. Ырă шухăшĕ экологи субботникĕнче пурте пĕрле кар тăрса çурт хыçĕнчи пушă выртакан лаптăкра улма-çырла садне чĕртсе ярассипе çыхăннă. Паллах, хунавсем лайăх хуначчăр тесен малтанласа чылай тар тăкма тивĕ. Выльăхсем сăтăр тăвасран та сыхламаллах пулĕ. Çулсем иртнĕ хыççăн вара шкул столовăйĕнче ачасем витаминпа пуян пан улмисене шатăртаттарĕç, çырласенчен хатĕрленĕ техĕмлĕ чей ĕçĕç.

Источник: "Авангард" (газета Батыревского района)