07 марта 2014 г.
ПУРНĂÇ синкерлĕхĕ темиçе çул каялла Сăкăтри вăтам шкул коллективĕнчен çине-çинех икĕ çамрăк вĕрентекене (Ю. Тинюковпа И. Медведева) ытла та ир ĕмĕрлĕх тĕнчене куçарчĕ. Юратнă ĕçтешĕпе учительсене асра тытса, вĕсен ĕçне сума суса çулсеренех кунта хоккей турнирĕ йĕркелеççĕ. Хальхинче те ыр çынсен ячĕпе пуç тайнă хыççăн "Стрела" тата "Молодежка" командăсем пăр çине тухнă. Вăйăра "ухăçăсем" хăйсен маçтăрлăхне ытларах кăтартса хирĕçлисен хапхипе тăватă хутчен шайба çапса кĕртнĕ.
Ял пуçлăхĕ С. Толстов, вăтам шкул директорĕ А. Падусев, Юрий Константиновичăн ашшĕ К. Тинюков, ОБЖ преподавателĕ Н. Тинюков, Игорь Ильичăн мăшăрĕ Т. Медведева ырă йăлана малашне те тăсса пымаллине каланă.
Источник: "Авангард" (газета Батыревского района)