11 декабря 2013 г.
Йăлана кĕнĕ йĕркепе Первомайскинчи вăтам шкул спортзалĕнче Н. Кузьмин спорт ветеранне халалласа волейбол турнирĕ иртрĕ. Вăл ял тăрăхĕсен спартакиадипе килĕшỹллĕн пулчĕ. Ăмăртăва 8 команда хутшăнчĕ. Вăйăсем пуçланас умĕн волейболистсене Первомайски ял тăрăхĕн пуçлăхĕ В. Секретов, "Паттăр" спортшкул директорĕ А. Краснов, Чăваш Республикин тава тивĕçлĕ учителĕ В. Бородкин, Р. Сафиуллов спорт ветеранĕ саламларĕç. Çивĕч тупăшура Туçа ял тăрăхĕн команди çĕнтерỹçĕ пулчĕ. Иккĕмĕш вырăна "Батыревский" хупă акционерла пĕрлешĕвĕн, виççĕмĕшне Сăкăт ял тăрăхĕн волейболисчĕсем йышăнчĕç.
А. АФАНАСЬЕВ
Источник: "Авангард" (газета Батыревского района)