07 декабря 2013 г.
СĂКĂТ ялĕ районта йышĕпе пысăккисен шутĕнче пулин те, çур ĕмĕр ытла акăшсем пек килĕштерсе пурăнакансем нумай мар. Çак кунсенче, акă, Волковсем хăйсен изумруд туйне паллă турĕç. Иван Васильевичпа Антонина Васильевнăна шăп та лăп 55 çул каялла çĕнĕ мăшăр пулнине ĕнентерекен свидетельствăна парса чыс тунă. Асăннă çемьене пурнăçра икĕ "пиллĕк" лартма сăлтавĕ пысăк. Вĕсем иккĕшĕ те сумлă çынсем. Кил хуçи тивĕçлĕ канăва тухичченех ялти шкулта учительте тăрăшнă, Антонина Васильевна вара хисеплĕ фельдшер шутланнă. Тепĕр чухне ĕлĕкхи йăлапа паян та кỹршĕ-аршă унчченхи "ял тухтăрĕ" патне ырă сĕнỹ-канаш илме пырать. Çак сăлтавпах Кариковсемпе Туктинсем те ачи-пăчипе тата мăнукĕсемпе кĕрекене ларнă.
Источник: "Авангард" (газета Батыревского района)