14 августа 2013 г.
Юлашки çулсенче ялсенче пушар хăрушсăрлăх йĕркине пăхăнса нумай кỹлĕ чавтарчĕç, пуррисене тасатрĕç. Акă, Сăкăтра Кариков ячĕллĕ урам çывăхĕнчи Сăкăт шыв çулĕ те типсе, юшкăнлансах ларнă пулнă. Ял хастарĕ Николай Осипов çак ыйтăва администраци умĕнче хускатни кăлăхах мар. Ятарлă техника икĕ кун çĕр ĕçĕпе кĕрмешнĕ. Ырă пуçаруçă шыв пуçтарăнса тăракан вырăна йĕркене кĕртес тĕлĕшпе хăй те нумай расхутланнă. Хальхи вăхăтра кунта самаях шыв пухăннă. Ял халăхĕн выльăхĕсем те, хур-кăвакалĕ те савăнать. Уйрăм хастарсем кирек мĕнле ĕçре те кирлех çав.
Источник: "Авангард" (газета Батыревского района)