15 мая 2013 г.
ÇАК кунсенче районсенче "Çамрăксем сывă пурнăç йĕркишĕн" акцие пĕтĕмлетеççĕ. Икĕ уйăха тăсăлнă паха юхăма Юхмапа Пăла тăрăхĕнчен 19 шкул хутшăннă. Анчах та темăна пурте кирлĕ пек уçса парайман, хăйсем йĕркеленĕ мероприятисем пирки администраци сайтне паха материал тăратман.
Çапах та кăтартуллисене асăнса хăвармаллах. Сăмахран, Сăкăтри вăтам шкул ку тĕлĕшпе питĕ хастар ĕçленĕ, вĕрентỹ пайĕн Хисеп грамотине те илме тивĕçнĕ. Турхансемпе Алманчăсем те сывă пурнăç йĕркине халалланă ĕçсем пирки ятарлă баннер уçса çутатса тăнă.
Источник: "Авангард" (газета Батыревского района)