Публикации » Çĕнĕ çултан çĕнĕ шкулта вĕренĕç

08 декабря 2010 г.

Сăкăтри 320 вĕренекен вырнаçмалăх çĕнĕ шкула çывăх кунсенче хута ярасси пирки ĕç комиссийĕ канашлу ирттернĕ. Унта район администраци пуçлăхĕ Н.Глухов, ЧР вĕрентÿ тата çамрăксен политикин министрĕн çумĕ В.Устяк, Сăкăт ял поселени пуçлăхĕ С.Толстов, тулли мар яваплă “Булат” пĕрлешĕвĕн ертÿçи Р.Абдулвалеев тата ыттисем те хутшăннă.

Паяна Сăкăтри вăтам шкула туса пĕтернĕпе пĕрех: инженерлă-коммуникациллĕ сооруженисене вырнаçтарнă, шалти ĕçсене вĕçленĕ, оборудованисене вырнаçтарассипе тата хитрелетессипе тимлеççĕ. Çуркунне тавралăха хăтлăх кĕртесси, илемлетесси юлать. Çĕнĕ 2011 çулта ачасем кунта вĕренме тытăнаççĕ.

Ĕç комиссийĕ строительсен ĕçне пысăка хурса хакланă, вăй хуракансем хăш-пĕр çитменлĕхе çывăх кунсенче пĕтерме йышăннă.

 

Источник: "Авангард" (газета Батыревского района)