Публикации » Хисеплĕ донорсем халăхра та хисеплĕ

06 октября 2010 г.

Çын пурнăçĕшĕн сăваплă ĕç туса юн паракансем пирĕн районта сахал мар. Вĕсем кашни Донор куннех хастар хутшăнаççĕ. Юхмапа Пăла тăрăхĕнче “СССР хисеплĕ донорĕ”, “Раççей хисеплĕ донорĕ” кăкăр çине çакмалли паллă илнисем çеç 32 çын. Вĕсем хушшинче Патăрьелĕнчи каçхи вăтам шкул директорĕ, Сăкăтра пурăнакан А. Пирогов та пур. Анатолий Николаевич хăйĕн ĕмĕрĕнче 65 хутчен юн пама ĕлкĕрнĕ. Ку тĕлĕшпе малашне те хăйĕн хастарлăхне çухатасшăн мар. Пĕрремĕш хут вара вăл студент чухнех юн панă. Ун хыççăн пĕр çул та Донорсен кунĕнчен айккинче юлман тесен те юрать.

Источник: "Авангард" (газета Батыревского района)