28 октября 2022 г.
ИНТЕРНЕТ, цифра ĕмĕрĕ вăй илсе пынă тапхăрта МИХ хатĕрĕсенче унта та кунта мошенниксем çынсене чике тăршшĕ лартни, тĕрлĕрен ултавлă çулпа вĕсен укçисене вăрлани пирки тăтăшах çыраççĕ. Вĕсен серепине ытларах тивĕçлĕ канăва тухнисем çакланаççĕ. Кун пирки районти йĕрке хуралĕн сотрудникĕсем тимлĕ пулмаллине тăтăшах ăнлантараççĕ пулин те, çав-çавах çакнашкал йăнăша тăвакансем тупăнсах тăраççĕ.
Çак кунсенче Шăхачри вулавăшра пенсионерсемпе йĕркеленĕ мероприятире Светлана Убаськина вулавăш ĕçченĕ ултавçăсенчен çирĕп асăрханмалли йĕркесемпе те паллаштарнă. Ватă çынсен телефонпа палламан е пĕлмен çынпа пачах калаçмасан та аванрах. Çакă чăн малтанах укçа-тенкĕпе çыхăннă тăкакран сирĕ.
Источник: "Авангард" (газета Батыревского района)