21 января 2022 г.
ЮХМАПА Пăла тăрăхĕ паллă ăсчахсемпе, культура çыннисемпе, спортсенсемпе тата ыттисемпе те пуян. Республикăра старт илнĕ Мухтавлă ентешсен çулталăкĕнче вĕсемпе вулакана паллаштарсах тăрăпăр.
Акă, çак кунсенче çеç Шăхачра пурăнакансем хăйсен ялĕнче çуралса ỹснĕ хисеплĕ писателĕн, журналистăн, СССР писательсен союзĕн членĕн, Тăван çĕршывăн Аслă вăрçин участникĕн Иван Захарович Антоновăн пултарулăхне, ырă та пархатарлă ĕçĕсене аса илнĕ, ăна сума суса пуç тайнă. Çапла тума сăлтавĕ те пур: Кăшарни умĕн, январĕн 18-мĕшĕнче, мухтавлă ентешĕмĕр çуралнăранпа 103 çул çитнĕ. Вăл 1960 çулхи ноябрĕн 1-мĕшĕнче, 41 çултах, çĕре кĕнĕ.
Источник: "Авангард" (газета Батыревского района)