06 октября 2020 г.
ШĂХАЧРИ культура çуртĕнче кĕр ырлăхĕпе савăнса "Тухăç-2020" курав йĕркеленĕ. Шăхачра тата Кĕçĕн Чементе пурăнакансем хаваспах хăйсен пахчинче çитĕннĕ пахча çимĕçе, улма-çырлана, куçа таçтанах илĕртекен тĕрлĕ тĕслĕ чечексене илсе килнĕ. Куракансем савăнсах вĕсемпе паллашнă, пĕр-пĕрне туса илнĕ çимĕçе хĕле валли хатĕрлемелли рецептсем пирки каласа панă.
Кураври тухăçа "Тĕлĕнтермĕш тухăç", "Хăйне евĕрлĕ букет", "Кĕрхи блюдо", "Алăпа тунă ĕç" номинацисемпе пахаланă. Мероприятие хутшăнакансене грамотăсемпе, призсемпе хавхалантарнă.
Источник: "Авангард" (газета Батыревского района)