18 апреля 2015 г.
КĔÇНЕРНИКУН, апрелĕн 16-мĕшĕнче, Раççей Президенчĕ Владимир Путин халăхпа тỹрĕ эфирта вун виççĕмĕш хут калаçрĕ, вĕсен ыйтăвĕсене хуравларĕ. Çĕршыв Элтеперĕнчен хурав кĕтекенсем икĕ миллион ытла çын та пуçтарăнса кайнă. Паллă ĕнтĕ, вĕсем çырусене, СМС, ММС çырусене маларахах хатĕрленĕ. Хаçат редакцине шăнкăравласа пĕлтернĕ тăрăх, 73 çулхи Шăхач чăвашĕ те почта урлă заказ çырупах Кремле хыпар вĕçтернĕ-мĕн. Çитнĕ-и вăл хăйĕн вырăнне е çук та... Çырăвне алла тытса курман. Ĕнерхи моряк вара юбилейлă Çĕнтерỹ çулталăкĕнче Владимир Владимировичран "Вăрçă ачисем çинчен" саккун кăларасси пирки сĕнỹ панине, ыйтнине пĕлтерчĕ. Автор шухăшĕ начар мар темелле. Вăрçă ахрăмĕ çулсеренех аякран-аякка кайса пынă май ветерансем, тыл хастарĕсемпе салтак арăмĕсем сайралсах пыраççĕ-çке.
Источник: "Авангард" (газета Батыревского района)