22 июня 2013 г.
Республикăри Пăрачкав районĕнчи Напольное ялĕнче ирçе халăхĕсен ХХII фестивалĕ иртрĕ.
Уява Шăхач ял тăрăхĕнчи "Умарина" (ертỹçи З. Гугушкина) ансабль коллективĕ те хутшăнчĕ.
Пултарулăх ушкăнĕ унтан пушă алăпа таврăнмарĕ, Хисеп грамотине тивĕçрĕ. Зинаида Михайловнана та наци культурипе йăли-йĕркине тытса пырас тата аталантарас ĕçе тивĕçлĕ тỹпе хывнăшăн Мордва Республикин наци политика министерствин Хисеп грамотипе наградăларĕç.
"Умарина" районти çеç мар, республикăри, ун тулашĕнчи уяв мероприятийĕсене те хастар хутшăнать. Ку хутĕнче те артистсем куракансене хăйсен юрри-ташшипе, пултарулăхĕпе савăнтарчĕç.
(Хамăр корр.)
Источник: "Авангард" (газета Батыревского района)