26 апреля 2007 г.
Патăрьел. Район уй-хирĕнче çурхи ĕçсем малалла пыраççĕ. 2007 çулхи акан 24-мĕшĕ тĕлне ирхи тĕш тырăпа пăрçа йышши культурăсене 3623 гектар (29,7 процент) акнă. Пурĕ 8177 гектар нумай çул ỹсекен курăксене, 4346 гектар кĕр калчисене сỹреленĕ. Хуçалăхсенче вăрлăх имçамлаççĕ.
Михаил Владимирович Петров чылайранпа ертсе пыракан "Малалла" хуçалăхра республикăра пуринчен малтан ирхи тĕш тырăсене акса пĕтернĕ. Кунти ĕçченсем Мăнкунчченех хире тухнă. Акан 6-мĕшĕнче тракторсем ĕçе кỹлĕннĕ. Паян хуçăлăхра çĕр улми лартаççĕ, пахча çимĕç акаççĕ. Планпа 60 гектар вырăннен 15 гектар çĕр улми лартнă. Пахча çимĕçе 25 гектар акнă. Кĕрхи тырă калчисемпе нумай çул ỹсекен курăксене минерал удобренийĕпе апатлантарнă, сỹрелесе тухнă.
Кỹршĕри "Первомайск" ЯХПКра та çурхи ĕçсем ăнăçлă пыраççĕ. Ку хуçалăха та Михаил Петров ертсе пырать. Хуçалăх паянхи куна 10 гектар çĕр улми лартнă. Ленин ячĕллĕ çĕр ĕç фирми сахăр кăшманĕ акма тытăннă. "Батыревское" АХО 33 гектар çĕр улми лартнă.
Источник: "Авангард" (газета Батыревского района)