11 октября 2022 г.
Сител халӑхĕ малашлӑхшӑн чунтан ҫунакан ял хастарӗ Юрий Степанов йӗркелесе пынипе пиртен уйрӑлса кайнӑ тӑванӑмӑрсем канлӗ ҫывӑракан вырӑна хыт хурапа ҫӳп-ҫапран тасатрӗ, хăрнă туратсене касса тирпейлерӗ. Çавăн пекех ҫуркунне ҫеҫ пысӑклатса ҫӗнетнӗ масар лаптӑкне Николай Вазенков, Николай Васильев, Юрий Реймов, Александр Ляков хăйсен тракторĕсемпе тăпра турттарса тикӗслерĕç.
Тасатса тирпейленĕ хыҫҫӑн Иоанн Богослов ячӗпе хисепленсе тӑракан Сител чиркĕвĕн настоятелĕ Александр иеромонах масар ҫӗрне сӑвапларӗ. Юлашкинчен пухăннисем пĕр-пĕрне пархатарлё ĕçшĕн тав туса малашне те килӗштерсе вăй хума калаçса татăлчĕç.
И. Лякова
Источник: "Авангард" (газета Батыревского района)