12 июля 2022 г.
ПЕРВОМАЙСКИ ял тăрăхне кĕрекен Сител ялĕ пысăках мар пулин те кунта календарьти пĕр уяв та сарăмсăр, йĕрсĕр иртмест. Оксана Хомуткина вулавăш ĕçченĕпе Ирина Лякова ялти клубăн культорганизаторĕ аслă çулхисем, ачасем валли те кăсăклă мерприяти ирттерсех тăраççĕ.
Акă, иртнĕ эрнере çеç хастарсем Çемье, юрату тата шанчăклăх уявĕ ячĕпе ялти ачасене культура вучахне пуçтарнă, уяв историйĕ, çемье управçисен Петрпа Февронин таса та сăваплă ĕçĕсен пĕлтерĕшĕ пирки тĕплĕн каласа панă, квест-вăйă ирттернĕ, çемьепе çыхăннă тупмалли юмахсемпе паллашнă, кроссворд хуравĕсене шыранă тата ытти те. Çак кунăн символики салтак тỹмми пулнăран, культура ĕçченĕсемпе ачасем илемлĕ çеçкене те хăйсемех ăсталанă.
Источник: "Авангард" (газета Батыревского района)