14 января 2022 г.
Сител кỹллинче Каншелĕнче çуралса ỹссе пурнăçран вăхăтсăр уйрăлса кайнă Владимир Иванов сунарçă-пулăçă ячĕпе ирттерекен пулă тытакансен ăмăртăвне чылайăн хутшăнчĕç. Пухăннисене Первомайски ял тăрăхĕн пуçлăхĕ В.Федоров, А.Иванов, И.Дикин ветерансем тата ыттисем уявсен ячĕпе саламларĕç.
Ăмăрту виçĕ номинаципе иртрĕ. Вакă касакан ăстаçă иртнĕ çулхи пекех Пỹртлĕри Н.Сидоров пулчĕ.
Пĕрремĕш пулла Аслă Чементи Ф.Селиверстов туртса кăларчĕ. Вăлах 530 грамм таякан çăрттан тытрĕ. Н.Сидоров чи нумай пулă тытаканни пулчĕ.
Тупăшура А.Шайдиманов, Н.Сулагаев, А.Колесников тата ыттисем те палăрчĕç.
Уçă сывлăшра А.Андреева пĕçернĕ пулă шỹрпи пурин кăмăлне те кайрĕ.
А. ФРОЛОВ
Источник: "Авангард" (газета Батыревского района)