13 марта 2020 г.
ХĔРАРĂМСЕН уявĕ темиçе кун каяллах иртсе кайрĕ пулин те çак кунхи кăмăл-туйăмпа хавхалану сĕврĕлсех пĕтмен-ха. Районти кашни ял тăрăхĕнчех, ĕç коллективĕнчех илемлĕх, ырăлăх, ăшăлăх символĕ шутланакан чиперккесемпе ача амăшĕсене, асаннесемпе кукамайсене хăйне евĕр саламларĕç. Первомай- ски ял тăрăхĕнче пурăнакан хĕрарăмсене вара тĕп хуламăртан йыхравланă артистсем юрă саламĕпе савăнтарасси ырă йăлана кĕнĕ. Кăçал та "Первомайск" ял хуçалăх производство кооперативĕ (ертỹçи Михаил Петров) çак йĕркене пăрахăçа кăларман. Аслă Арапуç тăрăхĕнче пурăнакансене хальхинче Сергей Павлов артистпа "Çеçпĕл" ансамбль чăн-чăн уяв туса панă. Ял тăрăхĕн пуçлăхĕ Владимир Федоров сцена ăстисен умĕнче парăмра юлман, чиперккесене пурне те чĕрĕ чечек парнеленĕ, малашнехи ĕçре ăнăçу суннă.
Источник: "Авангард" (газета Батыревского района)