28 сентября 2018 г.
ПЕРВОМАЙСКИНЧИ Митта Ваçлейĕ ячĕллĕ вăтам шкултан ылтăн медальпе вĕренсе тухнă, вырăс чĕлхипе пĕрлĕхлĕ патшалăх экзаменĕн- че 100 балл пухнă А. Романова çитĕнĕвĕсем пирки хаçатра пĕрре мар çырнăччĕ. Сăмах май, вăл Чăваш Республикин Пуçлăхĕн стипендине те тивĕçнĕ. Анастасия хăйĕн тăрăшуллăхĕпе, маттурлăхĕпе Мускаври халăхсен туслăхĕн Раççей университетне экзаменсăрах кĕме пултарнă! Комисси пике тĕрĕслевре чи пысăк балл илнипе пĕрлех Раççей шайĕнчи физкультура олимпиадинче çĕнтернине те шута илнĕ. Спортпа тусли, конференцисенче мала тухни хĕрĕн тĕллевне пурнăçлама пулăшнă.
Анастасийăн аппăшĕ те - Александра - çĕршывăн тĕп хулинчех пĕлỹ пухать, вăл та шкула медальпе пĕтернĕ.
Источник: "Авангард" (газета Батыревского района)