26 июня 2018 г.
Кăçал республикăра вырăс чĕлхипе ППЭ экзаменне тытнă 5452 выпускникран 32-шĕ 100 балл пуçтарма пултарнă! Çивĕч ăслисен йышĕнче пирĕн районти Первомайскинчи Митта Ваçлей ячĕпе хисепленекен вăтам шкулти А. Романова та пур. Анастасия - вĕренỹ отличници, спортсменка, Пĕтĕм Раççейри олимпиада (физкультурăпа)призерĕ. 11-мĕш класран вĕренсе тухнă чиперкке ытти экзаменсенсенче те пысăк балл пуçтарнă.
Сăмах май каласан, çак шкулта кăçал алла аттестат илекен 15 выпускникран 6-шĕ медале тивĕçнĕ! Вĕсенчен пĕри - Настя. Ырă та кăтартуллă çемьере воспитани илнĕ хĕрачан Александра аппăшĕ те çак шкултанах медальпе вĕренсе тухнă.
Источник: "Авангард" (газета Батыревского района)