11 мая 2018 г.
Чăваш Республикин наци вулавăшĕнче "Эпĕ пĕчĕкçĕ чăваш_2018" видеосăвăсен конкурсĕнче мала тухнисене чысларĕç. Тупăшăва "Шкулта" интернет-журнал, Чăваш чĕлхин инçет вĕренỹ центрĕ, Чăваш халăх сайчĕ, ЧНК, Чăваш наци радиовĕ тата наци вулавăшĕ пĕрле йĕркеленĕ. Ĕçсене нарăс уйăхĕн 15-мĕшĕнчен пуçласа ака уйăхĕн пуçламăшĕнччен йышăннăччĕ. Ун хыççăн тỹре комиссийĕ çĕнтерỹçĕсене палăртрĕ. Конкурса Первомайскинчи "Шуçăм" ача садне çỹрекен 5 çулхи Ульяна Лякова (Сител) "Анне" сăвва вуласа хутшăннăччĕ. Вăл регионсем хушшинчи "Эпĕ пĕчĕкçĕ чăваш-2018" тупăшура иккĕмĕш вырăн йышăнчĕ. Ульяна чыслав самантĕнче те сăвăсем каласа савăнтарчĕ.
Г. КИРГИЗОВА. воспитатель.
Источник: "Авангард" (газета Батыревского района)