21 ноября 2017 г.
Первомайскинчи врач амбулаторийĕнче йĕркелекен Донор кунне кашнийĕнчех çынсем хастар хутшăнаççĕ. Сăваплă та пархатарлă ĕçрен Сителсем, Ульяновкăсем, Анат Чакăсем, Пăлапуç Пашьелсем те айккинче юлмаççĕ, уйрăмшарăн та, ĕç коллективĕпе те хутшăнаççĕ. Хальхинче те çак кун 45 донор чирлĕ çынсене пулăшас тĕллевпе хăйсен гражданла тивĕçне пурнăçланă. Канашран юн илме килнĕ станци работникĕсем Л. Николаева, Л. Дюкина, О. Хомуткина, О. Никифорова, В. Кириллова, Р. Никитина тата ыттисен пуçарулăхĕпе яланхиллех кăмăллă юлнă.
Источник: "Авангард" (газета Батыревского района)