06 октября 2017 г.
Чăваш Енри пилĕк шкул иртнĕ вĕренÿ çулĕнчи çитĕнÿсемшĕн Раççейри чи лайăх 500 шкул йышне кĕнĕ. Çак чыса Шупашкарти 5-мĕш гимназии, 3-мĕш тата 44-мĕш лицейсем, Çĕнĕ Шупашкарти 18-мĕш лицейпе 6-мĕш гимнази тивĕçнĕ.
Çавăн пекех республикăри 11 шкула Раççейри чи лайăх 300 ял шкулĕн ушкăнне кĕртнĕ. Вĕсен йышĕнче Патăрьелĕнчи 1-мĕш тата Первомайскинчи Митта Ваçлейĕ ячĕллĕ вăтам шкулсем те пур.
Паян Патăрьелĕнчи канупа культура центрĕнче районти вĕрентекенсене чысларĕç. Уяв мĕнлерех иртни пирки çитес номерте паллаштарăпăр.
А. Иванов
Источник: "Авангард" (газета Батыревского района)