05 сентября 2017 г.
Юбилей çулталăкĕ Турра ĕненекенсемшĕн те асра юлĕ. Кăçал Первомайскинчи чиркỹ настоятелĕ Сергий Пегасов протоиерей пиллĕхĕпе, православи тĕнне тытса пыракан хастарсем нихçанхинчен ытларах çветтуй вырăнсене, мăнастирсене çитсе курнă, чунĕсене тасатнă. Çĕршывăн тĕп хулинчи, Мускаври çветтуй Николай иконĕ умĕнче пуç таякансем çеç виçĕ автобуспа 150 ытла çын çула тухнă. Ун хыççăн пысăк ушкăнпах Кавказ тăрăхĕпе Муромри, Дивеевăри сăваплă вырăнсенче те пулнă, çветтуйсен çĕрмен ỹчĕсене сĕртĕннĕ, вĕсен умĕнче пуç тайнă. Турра ĕненекенсен ушкăнĕ çăва тухнăранпа Улатăрти мăнастирсенче те пĕрре мар пулса кĕлĕсене хутшăннă, хамăрăн тăнăç та лăпкă пурнăçшăн çуртасем лартнă.
Источник: "Авангард" (газета Батыревского района)