11 июля 2017 г.
Çак кунсенче район тата Первомайски ял историне тепĕр ырă хыпар çырăнчĕ.
Нумай пулмасть Калугăра çăмăл атлетика енĕпе юниорсем хушшинчи Раççей чемпионатĕнче Михаил Киргизов пĕр çухрăма чупакансен ушкăнĕнче ылтăн медаль çĕнсе илнĕ! Хальхи вăхăтра Шупашкарти И. Я. Яковлев ячĕллĕ Чăваш патшалăх педагогика университетĕнчи физкультура факультетĕнче вĕренекен каччăшăн çакă пĕрремĕш пысăк çĕнтерỹ. 600 ытла спортсмен хушшинче пирĕн ентеш инçе çултан Раççей чемпионĕ пулса таврăннă ятпа эпир те чун-чĕререн саламлатпăр, спорт каçалăкĕнче çĕнĕрен çĕнĕ çитĕнỹ тума ырă сунатпăр.
Источник: "Авангард" (газета Батыревского района)