16 мая 2017 г.
Первомайскинчи Савиновсен кăçал юбилейсен çулĕ тесен те тĕрĕсех пулĕ. Павел Фомич 85 çулне паллă турĕ. Сарра Михайловна вара сакăр теçетке тултарчĕ. Ĕçре те матур, пурнăçра та сатур мăшăр. Тыл тата ĕç ветеранĕ колхозра нумай çул тăрăшнă, каярахпа вăтам шкулта техничкăра ĕçленĕ.
Павел Фомич вара хăйĕн пурнăçне техникăпа çыхăнтарнă. Малтан тракторпа, каярахпа автомашинăпа ĕçленĕ. Юбилей медалĕсемпе мухтав хучĕсем йышлах.
Тепĕр паллă пулăм вăл _ пĕр çемье тĕвĕленĕренпе _ 50 çул. Савиновсем икĕ ача пăхса çитĕнтернĕ.
Юбилярсене çуралнă кунĕсемпе чылайăн саламларĕç. Райадминистраци пуçлăхĕн саламне вара ял тăрăхĕн специалисчĕ В. Ильина çитерчĕ. Р. Ефимова, В. Фроловпа В. Верликов культура çурчĕсен ĕçченĕсем савăк юрăсем парнелерĕç.
Источник: "Авангард" (газета Батыревского района)