10 марта 2017 г.
Иртнĕ эрне вĕçĕнче, тĕрĕсрех, мартăн 5-мĕшĕнче, чăваш поэзийĕн классикĕ Митта Ваçлейĕ çуралнăранпа 109 çул çитрĕ. Василий Егорович 1908 çулта Аслă Арапуç ялĕнче çуралнă. Çамрăклах халăхра паха сăвăсем çырса палăрнă поэт пирĕн хаçат никĕслевçи те шутланать _ Митта Аслă Па- тăрьел районĕнчи "Паянхи сас" ятпа тухакан хаçат-ра 1930-1931 çулсенче вăй хунă. Ентешĕмĕр 1957 çулта унчченхи Первомайски район акатуйне килсен куçне ĕмĕрлĕхех хупнă, хĕрĕх тăххăртах пурнăçран уйрăлнă _ нумай çул пĕр айăпсăр тĕрмесенче нушаланни чĕри çинче тарăн сурансем хăварнă.
Асăннă кун Юхмапа Пăла тăрăхĕн хастарĕсен пĕр ушкăнĕ, çав шутра Николай Ларионов журналистпа Николай Николаев юрăçă, Первомайски ял масарĕнче Митта вилтăпри умне çитсе курнă, паллă поэт палăкĕ умне чечек çыххи хунă, икерчĕпе асăннă, пурнăçĕпе пултарулăхне аса илнĕ.
Сăмах май, республикăра Митта Ваçлей ячĕллĕ преми те пур. Лауреатсен сумлă йышĕнче "Авангард" та тăрать.
Источник: "Авангард" (газета Батыревского района)