17 февраля 2017 г.
Çак кунсенче республикăри культура министерстви чи лайăх муниципаллă культура учрежденийĕсене тата унăн ĕçченĕсене палăртас тĕлĕшпе йĕркеленĕ конкурса пĕтĕмлетнĕ.
Асăннă конкурс Патăрьелсемшĕн уйрăмах пĕлте- рĕшлĕ. Çĕнтерỹçĕсем хушшине харăсах икĕ ят кĕни мĕн ĕлĕкех ĕçпе пиçĕхнĕ пуян халăхăмăр культурăллă канма, çапла майпа вăй-хăват пуçтарма пултарнине тепĕр хут çирĕплетсе парать.
Тупăшăва хутшăннă 42 культурăпа кану учрежденийĕнчен пирĕн Первомайскинчи (ертỹçи Р. Ефимова) "культура вучахĕ" çĕнтерỹçĕ ята тивĕçнĕ.
Культура работникĕсен конкурсне вара уйрăммăн пахаланă. Хăйсен ĕçне тỹре умне тăратнă 75 конкурсантран Пăлапуç Пашьелĕнчи культура çурчĕн директорĕнче тăрăшакан Надежда Арсентьевна Гордеева пултарулăхĕпе ĕçне чи-чи кăтартулли тесе хакланă. Çапла вара пĕр конкурсрах пирĕн районтан икĕ çĕнтерỹçĕ пулни -пысăк çитĕнỹ.
Источник: "Авангард" (газета Батыревского района)