27 мая 2016 г.
Первомайски ял библиотекинче иккĕн вĕсем: Тихоновăпа Степанова. Ĕçĕ те çавăнпа курăмлă. Календарьпе килекен уявсенче мероприятисем йĕркелеççĕ. Вĕсене ачасене те, аслисене те, ваттисене те явăçтараççĕ.
Ỹсĕм çулне кура кашнийĕшне вулавăша уттармалли майсем тупаççĕ. Акă А. Албутова саккăрмĕш теçеткере пырать. Пỹрт- лĕрен çỹрет пулин те пĕр çĕнĕ кĕнекене те вуламасăр хăвармасть. В. Михалукова пирки те çакнах каламалла. Тивĕçлĕ канури П. Дикин детективсем вулама кăмăллать. Вулакансен юбиле- йĕсене палăртма манмаççĕ тата ытти те.
_ Гармонисчĕ те хамăрăн, артисчĕсем те хамăр эпир,_ калаçăва тăсать 20 çул ытла вулавăшра ĕçлекен Татьяна Витальевна _ сцена çинчен анмастпăр. Çурхи ака-суха вăхăтĕн- че агитбригадăпа та çỹрерĕмĕр.
_ Ял тăрăхĕн администрацийĕ кашни ытларикун культура ĕçченĕсене явăçтарса канашлу ирттерет. Ун хыççăн волейболла выляссине йĕркелерĕмĕр. Турнирсем пулаççĕ-çке. Мĕншĕн пирĕн айккине юлмалла,_ сăмах хушать Татьяна Владимировна.
Çакă ачасемшĕн те тĕслĕхлĕ. Культура çуртĕнчи спортзала секцине çỹреççĕ вĕсем. Аслисенчен ыррине илеççĕ. Занятисем пуçланиччен вара яланах вулавăша пухăнаççĕ. Унта кам мĕн вуланине, çĕннине пĕлнине каласа парать.
Ĕçлекеншĕн ĕç тупăнатех. Мĕн тунине библиотекарьсем ял тăрăх администрацийĕн сайтне лартса пыраççĕ. Халĕ вĕсем вулавăшра ĕçленĕ Никитинсен династийĕ пирки презентаци хатĕрлеççĕ.
А. АСТРАХАНЦЕВА.
Пĕлсе тăма:
Районта 29 библиотека тата 6 библиотека пункчĕ ĕçлет.
Вĕсенче 48 библиотека ĕçченĕ вăй хурать.
Вулавăшсен фондĕнче 388786 кĕнеке упранать.
Библиотекăсене 141 тĕрлĕ хаçат-журнал килсе тăрать.
Источник: "Авангард" (газета Батыревского района)