08 августа 2015 г.
РАЙОНТИ чылай ял тăрăхĕнче культура ĕçченĕсен агитбригада хастарĕсем вырмана хутшăнакансене вăй-хăват пама, хавхалантарма çỹреççĕ. Ку тĕлĕшпе Первомайскинчи сцена ăстисен опычĕ пысăк. Ĕçпе кану юнашар пулччăр тесе артистсем хальхинче те пуян содержаниллĕ концерт хатĕрленĕ. Иртнĕ эрнере вара В. Фролов, А. Ермилов, Т. Тихонова, Т. Степанова, О. Хомуткина, Г. Яковлева Первомайскинчи, Каншелĕнчи, "Сидели" тулли мар яваплă обществăри уй-хир ĕçченĕсене хавхалантарма йĕтем çине çитнĕ. Пархатарлă мероприятие вырăнти артистсем малашне те тăсасшăн.
Источник: "Авангард" (газета Батыревского района)