Публикации » Первомайскисем район чысне тивĕçлипе хỹтĕленĕ

30 мая 2015 г.

 ÇАК кунсенче Çĕрпỹ хулинчи "Асамат" стадионта республикăри "Президент тупăшăвĕсем" финалти ăмăртăвĕ иртнĕ. Унта чи вăйлă сакăр команда хутшăннă: тăваттăшĕ ялсенчен, çавăн чухлех хуласенчен. Пирĕн район чысне вара Первомайскинчи физкультура учителĕ В. Матюшкин тата "Паттăр" спорт шкулĕн тренер-преподавателĕ Л. Никитин хатĕрленĕ спортсменсен ушкăнĕ чыслăн хỹтĕленĕ, пĕрремĕш вырăн йышăннă. Çиччĕмĕш класра вĕренекен вун пĕр каччăпа хĕрĕн çуллахи каникул вăхăтĕнче те спортри ăсталăхне тата ытларах туптама тивĕ. Çĕнтерỹçĕсен сентябрĕн 5 _ 26-мĕшĕсенче спортра пысăк çитĕнỹсем тăвакан Чăваш Ен ят-сумне Раççей шайĕнче çĕклеме тивĕ. Пысăк ăмăрту Анапăра иртмелле. Çамрăк спортсменсене ăнăçу сунмалли çеç юлать.

Источник: "Авангард" (газета Батыревского района)