13 февраля 2013 г.
ПЕРВОМАЙСКИНЧИ Культура çуртĕнче ЧР тава тивĕçлĕ тренерĕ, Каншел чăвашĕ Владимир Семенов 55 çул тултарнă ятпа яшсемпе хĕрсем хушшинче ирĕклĕ майпа кĕрешекенсем республикăри уçă турнира ирттернĕ. Унта хамăр республикăри ял-хулан тата Чĕмпĕр облаçĕнчи, Тутарстанри вăйлă спортсменсем тупăшнă. Çакна палăртма кăмăллă: ăмăртура Первомайскинчи вăтам шкулта вĕренекен пиччĕшĕпе йăмăкĕ, Алексейпе Ксения Смирновсем, хăйсен виçе категорийĕпе пĕрремĕш вырăнсене çĕнсе илнĕ. Чи хаклă парнене (телевизор) тивĕçекенсем те хамăр ентешсемех – асăннă А. Смирновпа “Паттăр” спорт шкулĕн тренерĕ А. Клементьев.
Источник: "Авангард" (газета Батыревского района)