18 февраля 2015 г.
Ирĕклĕ майпа кĕрешессипе Комсомольски районĕнчи Тимĕрчкассинче "Çĕр улмине мухтав!" çĕр ĕç фирмин ертỹçин А. Капитоновăн парнисене çĕнсе илессишĕн республикăн уçă турнирĕ иртрĕ. Унта пирĕн район спортсменĕсем те хастар хутшăнчĕç. 28 килограмлă виçере пĕрремĕш вырăна М. Зейнетдинов тренер хатĕрлекен Пăлапуç Пашьелĕнчи вăтам шкулта вĕренекен Н. Васильев, иккĕмĕшне А. Сахаров тухрĕç. 42 килограмлă виçере Ишлĕри тĕп шкула çỹрекен И. Смирнова пурне те парăнтарма пултарчĕ. Первомайскинчи вăтам шкулти Д. Клементьев çак виçепех пĕрремĕш вырăн йышăнчĕ. Унпа А. Клементьев тренер ĕçлет. Çавăн пекех Димăран сахалрах виçепе М. Молочников, И. Михайлов тата Н. Андреев малти вырăнсене йышăнчĕç Çĕнтерỹçĕсем грамотăсене, медальсене, парнесене тивĕç пулчĕç.
А. ИВАНОВА
Источник: "Авангард" (газета Батыревского района)