Публикации » Хальхинче те донорсен ушкăнĕнче ача амăшĕсем ытларах

17 декабря 2014 г.

РАЙОНТА донор кунне йĕркелесси ырă йăлара. Нумай пулмасть çеç Канашри станци специалисчĕсем вырăнти медицина сестрисемпе Первомайскинчи больницăра хăйсен ирĕкĕпе юн пама кăмăл тунисене йышăннăччĕ. Хальхинче çакнашкал пархатарлă ĕçе Турханти врач офисĕнче ирттернĕ. Çыннăн пурнăçне çăлса хăварассишĕн сăваплă утăм тума кар тăнисем сахалăнах пулман. Кун каçа тавра ялти 110 донор сиплев учрежденине çак сăлтавпа килнĕ. Донор кунне учительсемпе медицина работникĕсем, пенсионерсем, тĕрлĕ шайра ертỹçĕре тăрăшакансем те хутшăннă. Чи кăсăкли вара яланхиллех хастарсем хушшинче ача амăшĕсем ытларах пулни. Арçынсем çак процедурăран ытла та сехĕрленеççĕ-ши?

Источник: "Авангард" (газета Батыревского района)