01 ноября 2014 г.
Челябинскра 1997-1998 çулсенче çуралнă хĕр ачасем хушшинчи ирĕклĕ майпа кĕрешес енĕпеĕтĕм Раççейри ăмăрту иртнĕ. Унта Чăваш Республикин чысне Люляра çуралса ỹснĕ, Ишлĕри тата Первомайскинчи шкулсенче вĕреннĕ, спорт мастерĕн кандидатне çитнĕ К. Смирнова хỹтĕленĕ. Инçе çула тухса кайни ахалех пулман.
Ксения 56 килограмлă виçере кавир çине 4 хутчен тухса пурне те парăнтарнă, финалта Пермь хĕр ачипе кĕрешсе ылтăн медаль çĕнсе илнĕ. Çак ăмăртăва пурĕ 23 регион кĕрешỹçисем хутшăннă. Ксения кĕрешес ăсталăха маларах ачасемпе çамрăксен "Паттăр" спорт шкулĕн Первомайскинчи филиалĕнче туптанă. Хальхи вăхăтра вăл Çĕнĕ Шупашкарти ачасемпе çамрăксен олимп резервĕсен училищинче вĕренет, иккĕмĕш çул ĕнтĕ Раççей пĕрлештернĕ командинче тăрать. Юхма Ен хĕрĕ çакнашкал çитĕнỹ туни пирĕн районшăн та, республикăшăн та пысăк чыс.
М. ЗЕЙНЕТДИНОВ
Источник: "Авангард" (газета Батыревского района)