22 октября 2014 г.
ИРТНĔ кĕçнерни кунхи ăмăр çанталăк та Сителсен кăмăлне хуçман. Çак сăлтавпах вĕсем ялта Республика Пуçлăхĕн Указĕпе килĕшỹллĕн уçăлакан модульлĕ фельдшерпа акушер пункчĕ умне хаваспах пуçтарăннă. Савăнăçлă мероприятие район администраци пуçлăхĕ Н. Глухов, ЧР сывлăх сыхлавĕпе социаллă аталану министрĕн пĕрремĕш çумĕ Т. Богданова, Первомайски ял тăрăх пуçлăхĕ В. Секретов, Патăрьелĕнчи тĕп больницăн тĕп врачĕ Г. Петрова, район Пухăвĕн депутачĕ А. Иванов, ял çыннисем йышлăн хутшăннă.
Районта çакнашкал сывлăх учрежденийĕ иккĕмĕш уçăлчĕ. Черетре _ Пăлапуç Нурăссемпе Шăхачсем, Анат Тăрмăшсем. Район администрацийĕн пуçлăхĕ ял, район халăхне çирĕп сывлăх суннă май, Юхмапа Пăла тăрăхĕнче çакнашкал ултă медицина пункчĕ уçăлмаллине каланă.
Источник: "Авангард" (газета Батыревского района)