27 августа 2014 г.
ЧĂВАШ Республикин культура министрĕ Вадим Ефимов нумаях пулмасть ирттернĕ видеоконференцире пултарулăх коллективĕсем хĕрỹ ĕççи вăхăтĕнче тыр-пул ăстисем патне тухса çỹрес ыйтăва çирĕплетрĕ.
Унчченсенче кашни ял тăрăхĕнчех агитбригадăсем ял ĕçченĕсемпе тĕл пулас тĕллевпе уй-хире, йĕтемсем çине тухса çỹретчĕç. Хальхи вăхăтра культура ĕçченĕсем ку ĕçе темшĕн пăрахăçласа пыраççĕ.
Ку тĕлĕшпе Туçа, Первомайск ял тăрăхĕсен культура ĕçченĕсен пуçарулăхĕ пысăк. Çак кунсенче агитбригада членĕсем йĕтем çинче пулса ĕçлекен халăха хăйсен юрă-ташшипе хавлантарнă. Фермер хуçалăхĕсенче çевок пухакансене те "пайсăр" хăварман, вĕсене те ĕçлеме вăй-хал сунса концерт кăтартнă.
Источник: "Авангард" (газета Батыревского района)