19 июля 2014 г.
Çĕр çыннишĕн тепĕр яваплă тапхăр _ вырма _ пуçланчĕ. Первомайскинчи "Первомайск" ял хуçалăх предприятийĕнче пăр-çа ани пушанма тытăнчĕ. Пулса çитнĕскере В. Анисимов косилкăпа паккуссем туса çулать. Хĕвел çинче кăшт вырттарнă хыççăн ăна А. Арбузов механизаторпа унăн пулăшуçи В. Лукьянов "Дон _ 1500 Б" комбайнпа çапма тухаççĕ.
_ Чылай хуçалăхра пăрçапа ĕçлемеççĕ. Тăпра пулăхлăхне лайăхлатнипе эпир ăна çулленех никĕсе хыватпăр. "Ульяновец" сорт кăçал акрăмăр, 40 гектарта çитĕнчĕ. Пуçтарса кĕртнĕ хыççăн тасатса тирпейлетпĕр, вăрлăха сутлăх валли хатĕрлетпĕр. Пушă вăхăт халь çукпа пĕрех. Выльăхсене хĕл каçарма утă, сенаж çите-лĕклĕ янтăларăмăр. Çанталăк лайăх тăрсан паян-ыран кĕрхи культурăсене вырма тухасшăн, _ терĕ хуçалăхра чылай çул агрономра ĕçлекен И. Киргизов.
Аслă Арапуçсем вырмана тĕплĕн хатĕрленнĕ. Техникăна юсаса хатĕррисен ретне лартнă, кĕлетсене шуратса дезинфекциленĕ.
О. ПАВЛОВА
Источник: "Авангард" (газета Батыревского района)