Публикации » Ăру чысĕ çỹлте

17 мая 2014 г.

 Черетлесе тăхăнаççĕ тейĕн салтак аттине Сителти Лисицынсем. Аслашшĕ _ Георгий Степанович _ артиллерист пулнă. Ашшĕ _ Анатолий Георгиевич _ воин-афганец. Халĕ вара çар тумне ывăлĕ Владимир тăхăннă. Йăх ятне ямасть вăл. Шкулта та лайăх вĕреннĕ, службăра та харсăр. Ачаранах спортпа çывăх пулнăран Вова район, республика шайĕнчи ăмăртусенче мала тухнă. Алла аттестат илнĕ хыççăн каччă Шупашкарти Ульянов ячĕллĕ университетăн радиотехника факультетĕнче пĕлỹ пухнă. Дипломлă специалист вара тỹрех çар ретне тăнă. Паян мухтанмалăх пур Сителсен ентешĕпе. Çакна çурта килнĕ тав çырăвĕ те çирĕплетет. Унта çар командирĕ Анатолий Георгиевичпа Галина Васильевнана çакнашкал ывăл пăхса çитĕнтернĕшĕн савăнмалăх пуррине палăртнă, салтак ыттисемшĕн ырă тĕс-лĕхлĕ пулнине пĕлтернĕ.

В. ИЛЬИНА

Источник: "Авангард" (газета Батыревского района)