Публикации » Вăрçă паттăрĕсен ячĕсем вилĕмсĕр

26 февраля 2014 г.

ЮХМАПА Пăла тăрăхĕнче уйрăм паттăрсемпе хастарсене чыс та хисеп туса спорт мероприятийĕсем йĕркелесси _ ырă йăлара. Тăван çĕр-шыв хỹтĕлевçисен кунĕнче те вĕсем чылай çĕрте иртнĕ. Сăмахран, хăйсен салтак тивĕçне тăван çĕр-шыв тулашĕнче пурнăçланă паттăрсен ячĕсене асра тытса Первомайскинчи вăтам шкулта Валерий Албутов спортсмен ячĕпе волейбол турнирĕ йĕркеленĕ, Çĕнĕ Ахпỹрт ял тăрăхĕнче Владимир Тукмакова хисеплесе спортсменсем йĕлтĕр йĕрĕ çине тăнă, Хирти Пикшикре çуралса ỹснĕ Фирдус Камалетдинов Паттăрлăх орден кавалерне чысласа вара Патăрьелĕнчи "Паттăр" физкультурăпа спорт комплексĕнче ирĕклĕ майпа кĕрешекенсем йăлана кĕнĕ йĕркепе помост çине тухнă.

Источник: "Авангард" (газета Батыревского района)