21 декабря 2013 г.
НУМАЙ пулмасть СССР халăх артистки Вера Кузьмина тĕп хуламăрти Чăваш патшалăх академи драма театрĕнче хăйĕн 90 çулхи юбилейне анлăн паллă турĕ. Хăй ĕмĕрĕнче çĕршер сăнар калăпланă сцена ăсти паян та танлăн утса çỹрет-ха. Вăл çеç те мар, спектакльсене те хутшăнать, халăхпа та тĕл пулать. Çак кунсенче чăваш халăхĕн хисеплĕ Амăшĕ (çаплах калас килет) Первомайскинчи вăтам шкула çитсе коллектива хăйĕн пултарулăхĕпе тĕлĕнтернĕ. Утмăл çул сцена çинче хăйĕн маçтăрлăхне туптакан чăваш хĕрарăмĕ "Хура Чĕкеç", "Çĕпĕр дивизийĕ" спектакльсен сыпăкĕсенче калăпланă сăнарсене никам та пăлханмасăр пăхайман.
Вера Кузьминапа пĕрлех Григорий Федоровпа Марина Яковлева артистсем, Людмила Федорова юрăçă та куракансене шоу-концертпа савăнтарнă.
Источник: "Авангард" (газета Батыревского района)