11 декабря 2013 г.
Арзамас хулинче 1994-1996 çулсенче çуралнă арçын ачасем хушшинче Пĕтĕм Раççейри ирĕклĕ майпа кĕрешекенсен турнирĕ иртрĕ. Унта Чăваш Республикин чысне Люляра çуралса ỹснĕ, Аслă Арапуçĕнчи вăтам шкулта вĕреннĕ Алексей Смирнов та хỹтĕлерĕ. 60 килограмлă виçере вăл пурне те парăнтарса пырса финала çĕнтерỹпе вĕçлерĕ, пĕрремĕш вырăна тухрĕ. Ăна ылтăн медаль, грамота тата 5 пин тенкĕ укçа парса чысларĕç.
Кăçалхи вĕренỹ çулĕнчен Алексее пултарулăхне кура Çĕнĕ Шупашкарти олимп резервĕсен училищине куçарчĕç. Темиçе хут Раççей ăмăртăвĕсенче çĕнтернĕ Ксения йăмăкĕ те пиччĕшĕпе пĕрлех кунта хăйĕн ăсталăхне ỹстерет. Сăмах май çакна та каламалла: Смирновсен çемйинчи 5 ачи те ирĕклĕ майпа кĕрешессине суйласа илнĕ. Чăваш Республикин тава тивĕçлĕ тренерĕн М. Зейнетдиновăн ĕçĕ сая каймасть.
Алексей кăçал ирĕклĕ майпа кĕрешсе спорт мастерĕн кандидачĕн нормине тултарчĕ. Эппин, ăна малашне те ăнăçусем сунар.
А. ИВАНОВА
Источник: "Авангард" (газета Батыревского района)