26 октября 2013 г.
Ĕлĕкрех Первомайскинче куç диспансерĕ пурччĕ. Унта кỹршĕллĕ Комсомольски, Шăмăршă районĕсенчен те сипленме çỹретчĕç. Хуласенчен, Тутар республикинчен килекенсем те пулнă. Диспансерта 40 койка вырнаçнăччĕ. Хăш чухне чирлисен шучĕ 70-80 та çитетчĕ. Вăл ĕçлеме пăрахни чĕрĕк ĕмĕр çитрĕ. Унта вăй хунисен аса илмелли самантсем сахал мар. Çакна тĕпе хурса пĕрле пухăнма шут тытрĕç те аслисемпе çамрăксем. Çав тери кăмăла каякан тĕл пулу пулчĕ вăл. Мĕн чухлĕ аса илỹ çурал-чĕ. Савăнăç куççулĕ те тухрĕ. К
оллектив питĕ туслăччĕ пирĕн. Ĕç вĕресе кăна тăратчĕ. Концертсемпе ялтан яла çỹреттĕмĕр. Пĕр мероприятинчен те айккинче юлман. Пирĕн хушăмăртисенчен пурнăçран уйрăлнисем те пур. Вĕсене асăнса шăплăх минучĕ ирттертĕмĕр. Çичĕ, сакăр теçетке урлă каçнисем ытларах пулчĕç тĕл пулура. Çамрăкраххисем халĕ те хăйсен ĕçĕпе вăй хураççĕ. Çĕнĕ больницăра вĕсем. Çутă та хăтлă зданинче.
Ăшă аса илỹ ытамĕнче иртрĕ тĕл пулу. Унта хутшăннисем малашлăхра пурăнма хевте те илчĕç. Юлашкинчен куç диспансерĕн хуçалăх заведующийĕнче ĕçленĕ Л. Ильеров пурне те хăйĕн транспорчĕпе ăсатрĕ.
М. БЕЛОВА, Л. ТИХОНОВА
Источник: "Авангард" (газета Батыревского района)