01 июня 2013 г.
Аслă Арапуçĕнчи "Первомайск" ял хуçалăх предприятинче 60 гектар йышăнакан çĕр улми йăранĕсене пĕр хутчен çырнă ĕнтĕ. Çывăх кунсенче тата тепĕр хут пуçăнасшăн. Пĕрчĕллĕ культурăсем ỹсекен хирте те ĕç шавĕ тăрать. В. Горшков механизатор пĕр тикĕс шăтса тухнă тыр пула çум курăк пу-сасран гербицид сапать, А. Ларев шыв турттарса тăрать.
- Пушă тăма вăхăт çук. Хальхи вăхăтра хуçалăхра вăй хуракансем тата кỹршĕ ялсенчен килнĕ хĕрарăмсем севок уйĕнче тăрăшаççĕ. Кăçал сухан вăрлăхне 10 гектар акса хăвартăмăр. Вăхăтра çумламасан тухăç пирки ĕмĕтленмелли те çук. Çавăн пекех нумай çул ỹсекен курăка - козлятника - выльăхсене çулса çитерме пуçларăмăр.
С. Гаврилов курăка куллен вырма тухать, И. Филиппов фермăна илсе каять, - пĕлтерет хуçалăхăн тĕп агрономĕ И. Киргизов.
(Хамăр корр.)
Источник: "Авангард" (газета Батыревского района)