04 октября 2019 г.
Чăваш Республикин тава тивĕçлĕ учителĕ Василий Бородкин ертсе пыракан "Утмăлтурат" ансамбль Нăрваш Шăхаль ял тăрăхĕнче иртекен пур мероприятие те хутшăнма, халăха юрă-ташăпа савăнтарма тăрăшать. Нумай пулмасть вĕсем Чăваш наци радиовĕнче Олег Прокопьев ертсе пыракан "Çичĕ юрă" программăна хутшăннă.
Ансамбле çỹрекенсем чăваш халăхĕн 100 пин юрринчен çиччĕшĕнпе -"Ватăлатпăр çав тăван, ватăлатпăр", "Çулçă тăкăнать", "Тăванлăх юрри", "Ỹкеççĕ çулçăсем", "Çамрăк ĕмĕр пĕрре çеç килет", "Тавах сире" - паллаштарнă. Хăйсене мĕншĕн шăпах вĕсем килĕшнине каласа кăтартнă.
Ентешсен пултарулăхне çитес вырсарникун, октябрĕн 6-мĕшĕнче, 17 сехетре эфира тухакан "Çичĕ юрă" передачăра итлесе хаклама пулать.
Источник: "Авангард" (газета Батыревского района)