26 марта 2019 г.
ЮХМАПА Пăла тăрăхĕнче йывăр атлетика енĕпе çĕршыв шайĕнче палăрнă спортсменсем йышлансах пыраççĕ. Вĕсенчен пĕри-_ Нăрваш Шăхалĕнчи Александр Адикин. Вăл хăйĕн пултарулăхне А. Да- выдов тренер ертсе пынипе вăтам шкулта вĕреннĕ чухнех туптанă. Нумаях пулмасть пирĕн ентеш Мускавра юниорсем хушшинче иртнĕ Раççей ăмăртăвĕнче виçĕ медале тивĕçнĕ. Раççей спорт мастерĕ халĕ хăйĕн пултарулăхне Геннадий Иванов тренер патĕнче малалла аталантарать. Паян каччă харăсах Чăваш Енпе çĕршывăн тĕп хулине хỹтĕлет.
Сăмах май, Александр Адикин 2015 çултах, 16-ра чухнех шкул ачисен Раççей спартакиадинче çĕнтерỹçĕ пулса тăнă.
Источник: "Авангард" (газета Батыревского района)